Sergileriň sanawy

 Giriş.

2024-nji ýylyň 19-22-nji awgust aralygynda Aşgabat şäherinde «Kids Ekspo: ähli zat çagalar üçin» halkara sergi-ýarmarkasy geçiriler, bu waka çagalaryň önümleri we hyzmatlary pudagynda möhüm pursat bolup, işewürler üçin bu bazar segmentiniň ösmegine goşant goşmak üçin ajaýyp mümkinçilik döreder.

«Kids Expo: ähli zat çagalar üçin» çagalar hyzmatlary pudagynda işleýän kompaniýalaryň innowasiýa önümlerini we hyzmatlaryny hödürläp, bazary täze mümkinçilikler bilen baýlaşdyryp biljek platformasy bolar. «Kids Ekspo» diňe bir ýerli kärhanalar üçin meýdançany bermek bilen çäklenmän, eýsem türkmen söwda markalar üçin bütin dünýäniň bazaryna çykmaga döredilen bir açyk penjire hökmünde mümkinçilik bolar. Sergimiziň ekspozisiýasy, dünýäniň dürli künjeklerinden halkara hyzmatdaşlaryň, maýadarlaryň we çagalar pudagynyň wekilleriniň ünsüni özüne çekmäge gönükdiriler.

 Serginiň geçirilýän ýeri

Türkmenistanyň Söwda-senagat edarasynyň binasy. Aşgabat şäheri, Türkmenistan.

Serginiň geçýän wagty: 2024-nji ýylyň 19-22-nji awgust aralygynda - 09:00 – 18:00

 Sergä gatnaşyjylar.

Türkmenistanyň, ýakyn we uzak ýurtlarynda çagalar harytlary we hyzmatlary pudagynda işleýän kärhanalar, guramalar, hünärmenler we jemgyýetçilik birleşikleri, telekeçiler, hususy şahslar.

Eksponatlar.

Sergi-ýarmarkasy oýunjak, bilim, saglyk, güýmenje we beýleki goşmaça hyzmatlar ýaly çagalar üçin harytlaryň we hyzmatlaryň ähli ugurlaryny öz içine alar. Sergi ýarmarkada hil taýdan başgada, oýunlar we çagalar önümleri pudagyna aýratynlygy bilen tapawutlanýan we ugurtapyjylygy görkezýän adaty we az tanalýan markalar hem görkeziler. Sergi-ýarmarkanyň bölümleri:

• Täze doglan çagalar we bäbekler üçin önümler.

• Mekdep üçin harytlar (kanselýariýa, çagalar mebeli)

• Çagalar üçin bilim we okuw.

• Oýnawaçlar we okuw esbaplary.

• Çagalaryň durmuşynda tans, aýdym-saz we sungat.

• Çagalaryň saglygy we howpsuzlygy.

• Çagalaryň biliminde innowasiýa tehnologiýalary.

• Çagalaryň edebiýaty we kitap okamak.

• Sport we beden taýdan ösüş.

• Döredijilik we çeperçilik işjeňligi.

• Daşky gurşawy goramak we durnuklylyk.

• Çagalaryň modasy we stili.

• Çagalar üçin güýmenje we çäreler (dynç alyş üçin hemme zat).

• Sungat we aýdym-saz bilimi.

• Inklýuziw bilim we aýratyn zerurlyklary bolan çagalara ideg.

• Maşgala gymmatlyklary we terbiýe.

• Çagalar üçin howpsuzlyk tehnologiýalary.

• Çagalar üçin iýmitlenmek we sagdyn iýmitlenmek.

• Maşgala güýmenjesi we çagalar bilen syýahat etmek.

• Çaga psihologiýasy we ösüşi.

• Çagalar üçin interneti howpsuz ulanmagyň tehnologiýalary.

• Çagalaryň ösmeginde ene-atalaryň orny.

• Çagalaryň syýahatçylygy we syýahaty.

• Çagalar üçin interaktiw açyk meýdançalar.

• Çagalar üçin döredijilik çäreleri we ussatlyk sapaklary.