TSSE Täzelikler

       2026-njy ýylyň 30-njy sentýabrynda Türkmenistanyň Söwda-senagat edarasy, Türkmenistanyň Senagatçylar we telekeçiler birleşmesi hem-de Rumyniýanyň Söwda-senagat edarasynyň wekilleriniň arasynda wideoaragatnaşyk arkaly işewür duşuşyk geçirildi.

         Duşuşygyň esasy maksady iki ýurduň işewür toparlarynyň arasynda täze gatnaşyklaryň ýola goýulmagyna, özara bähbitli hyzmatdaşlygyň ösdürilmegine we bilelikdäki işewür başlangyçlar üçin täze mümkinçilikleriň kesgitlenmegine gönükdirildi.

          Gepleşikleriň dowamynda taraplar oba hojalygy, gurluşyk, logistika we azyk senagaty ýaly möhüm ugurlarda hyzmatdaşlygyň geljegi barada pikir alyşdylar. Şeýle-de işewürlik maglumatlaryny yzygiderli alyşmak, kompaniýalaryň arasynda göni gatnaşyklary ösdürmek we söwda-ykdysady hyzmatdaşlygyň täze ugurlaryny kesgitlemek meselelerine aýratyn üns berildi.

       Duşuşykda öňe sürlen teklipler we pikirler iki ýurduň telekeçileriniň arasynda özara bähbitli gatnaşyklary has-da işjeňleşdirmek, täze işewür taslamalary durmuşa geçirmek hem-de söwda-ykdysady hyzmatdaşlygyň mümkinçiliklerini giňeltmek üçin möhüm ädim hökmünde häsiýetlendirildi.

       Duşuşygyň netijeleri boýunça taraplar Türkmenistan bilen Rumyniýanyň arasynda özara bähbitli söwda-ykdysady hyzmatdaşlygy has-da ösdürmek we berkitmek ugrunda täze başlangyçlary durmuşa geçirmäge taýýardyklaryny bellediler.

Türkmenistanyň Söwda-senagat edarasynyň

Metbugat gullugy.