Türkmenistanly önüm öndürijileriň söwda teklipleri

Türkmenistan – ykdysadyýeti ösen we durnukly güllap ösýän ýurt. Muňa garamazdan kofe bazarymyz henizem ösüşiniň başlangyç tapgyrynda ägirt uly mümkinçiliklere eýedir. Türkmenistanda we Merkezi Aziýa boýunça “NesilCoffee” kofe we kofe önümlerini öndüriji fabrikasyny siziň dykgatyňyza buýsanç bilen hödürleýaris. Bu döwrebap toplum, häzirki zaman ofisden başlap, iň täze tehnologiki ösüşler bilen enjamlaşdyrylan önümçilik desgalaryndan ybarat bolup, halkara ülňülerine laýyk gelýär. Bu fabrikanyň esaslandyryjysy telekeçi Tejenmyrat Baýramdurdyýew bolup durýar. Köpetdagyň eteginde, ekologiki taýdan arassa ýerde ýerleşip, biziň fabrikamyz administratiw binasyndan, önümçilik we ammar jaýlaryndan ybaratdyr. Enjamlarymyzyň önümçilik kuwwaty diňe bir Garaşsyz we hemişelik Bitarap döwletimiziň ilatynyň islegini kanagatlandyrman, daşary ýurt bazarlaryny hem kofe önümleri bilen üpjün etmäge ukyplydyr. Gahryman Arkadagly Serdarymyzyň “açyk gapylar” syýasatyny göz öňünde tutup önümlerimizi goňşy ýurtlara eksport etmegi meýilleşdirýäris. Fabrikamyzyň azyk howpsyzlygyny dolandyryş ulgamy ISO 9001,ISO 22000, Halal halkara hil standartlaryna laýyklykda öndürilýär. Biz adamlary birleşdirýän we gündelik durmuşyna şatlyk we güýç getirýän iş bilen meşgullanýandygymyza buýsanýarys.