Täzelikler

2024-nji ýylyň 1-nji fewralyndan 4-nji fewraly aralygynda Hindistanyň Jaýpur şäherinde geçiriljek “India Stonemart 2024” atly daş senagaty boýunça halkara sergisine Türkmenistanyň isewür toparlarynyň wekilleri gatnaşylmaga çagyrylýar. Çäre daş pudagy boýunça ähli gyzyklanýan taraplary – öndürijileri we sarp edijileri, bilermenleri, tehnologiýalar bilen üpjün edijileri we binagärleri ýygnar.

Sergi oňa gatnaşyjylara bütin dünýäden bolan sarp edijileriň arasynda önümi we hyzmatlary mahabatlandyrmaga ajaýyp platformany berer, işewür gatnaşyklary ýola goýmaga mümkinçilik döreder.

Türkmenistanyň Senagatçylar we Telekeçiler Bileleşiginiň agzalary sergä gatnaşmaga çagyrylýar. Önümlerini, hyzmatlaryny we brendini halkara bazarynda tanatmak, şeýle hem Hindistandan we beýleki ýurtlardan potensial hyzmatdaşlary bilen işewürlik we aragatnaşyk gurmak üçin ajaýyp mümkinçilik bolar.

Mundan başga-da, sergä gatnaşyjylar daş pudagynyň soňky tendensiýalary we täzelikleri bilen tanşyp bilerler, şeýle hem dürli seminarlara, leksiýalara we görkezişlere gatnaşyp bilerler.

Bu barada "Turkmenportal" web sahypasynda habar berildi.