Täzelikler

2023-nji ýylyň 20-nji oktýabrynda Türkmenistanyň Daşary işler ministriniň orunbasary W.Hajiýew wideoaragatnaşyk ulgamy arkaly «Merkezi Aziýa - Koreýa Respublikasy» Hyzmatdaşlyk forumyna gatnaşýan ýurtlaryň daşary işler ministrleriniň orunbasarlarynyň duşuşygyna gatnaşdy.

Duşuşykda, Aşgabatda şu ýylyň 1-nji noýabrynda Merkezi Aziýa döwletleriniň we Koreýa Respublikasynyň Daşary işler ministrleriniň derejesinde geçiriljek «Merkezi Aziýa - Koreýa Respublikasy» 16-njy Hyzmatdaşlyk forumyna taýýarlyk bilen baglanyşykly meseleler ara alnyp maslahatlaşyldy.

Türkmen diplomaty sebit hyzmatdaşlygynyň ileri tutulýan meselelerini ara alyp maslahatlaşmak bilen, bu formatyň ähmiýetine we netijeliligine ünsi çekdi.

Ulag we logistika, saglygy goraýyş we lukmançylyk, howanyň üýtgemegi we daşky gurşawy goramak, maglumat we aragatnaşyk tehnologiýalary, bilim we ylym, şeýle hem syýahatçylyk ýaly möhüm ugurlar Türkmenistanyň Forumyň başlyklygynyň çäginde ileri tutulýan ugurlary hökmünde kesgitlenildi.

mfa.gov