Täzelikler

Ýurdumyzyň söwda, maýa goýum we işewürlik mümkinçilikleri Birleşen Arap Emirliklerinde geçirilen forumda giňden ýaýbaňlandyryldy

09.11.2024

2024-nji ýylyň 8-nji noýabrynda Birleşen Arap Emirlikleriniň Abu-Dabi şäherinde «Türkmenistanda söwda, maýa goýum we işewürlik mümkinçilikleri» atly forum öz işini üstünlikli jemledi.

Forumdaky çykyşlarda Türkmenistanyň ykdysadyýetini ösdürmek boýunça geçirilýän toplumlaýyn maksatnamalaýyn çäreleriň netijesinde ýurdumyzyň ykdysady görkezijileriniň we maliýe ýagdaýynyň durnuklylygynyň ýokarlanýandygy, maýa goýum we işewür şertleriň artykmaçlyklary aýratyn bellenildi.

Forumyň ikinji gününde Türkmenistanyň ministrlikleri we pudak edaralary bilen bu giň möçberli çärä gatnaşyp, Türkmenistanyň söwda, maýa goýum hem-de işewürlik mümkinçilikleri bilen ýakyndan gyzyklanýan daşary ýurt kompaniýalarynyň, şeýle hem Türkmenistan bilen söwda-ykdysady, oba hojalyk we beýleki ugurlarda hyzmatdaşlygy ýola goýmaga isleg bildirýän işewür toparlaryň arasynda ikitaraplaýyn duşuşyklaryň onlarçasy geçirildi.

Türkmenistanyň Söwda-senagat edarasynyň

Metbugat gullugy.

Bulary hem okaň