TSSE Täzelikler

2024-nji ýylyň 19-njy sentýabrynda «Garagum» myhmanhanasynyň ýanynda Türkmenistanyň Garaşsyzlygynyň 33 ýyllygy mynasybetli Türkmenistanyň ykdysady üstünlikleriniň sergisi öz işine başlady. Bu giň möçberli serginiň açylyş dabarasynda hormatly Prezidentimiz Arkadagly Gahryman Serdarymyzyň oňa gatnaşyjylara iberen çuňňur many-mazmunly Gutlagy okaldy. Munuň özi ýurdumyzyň ykdysady üstünlikleriniň sergisiniň açylyş dabarasyna gatnaşyjylara özboluşly baýramçylyk şatlygyny paýlady.

Türkmenistanyň Garaşsyzlygynyň 33 ýyllygy mynasybetli Türkmenistanyň ykdysady üstünlikleriniň sergisiniň açylyş dabarasyna köp sanly myhmanlar gatnaşdylar. Bu serginiň üsti bilen Türkmenistanyň Garaşsyz ösüşiniň 33 ýylynda gazanan durmuş we ykdysady üstünlikleriniň görkezijileri dünýä jemgyýetçiligine giňden ýaýbaňlandyrylar. Ýurdumyzyň işewür gatnaşyklaryny we içerki önümlerini mahabatlandyrmak üçin özboluşly meýdança bolup hyzmat edýän bu giň möçberli çäre myhmanlara Türkmenistanda bolup geçýän özgerişler bilen tanyşmaga mümkinçilikler döredýär.

Türkmenistanyň Söwda-senagat edarasynyň

 Metbugat gullugy.