TSSE Täzelikler

       2026-njy ýylyň 21-nji oktýabrynda Türkmenistanyň Söwda-senagat edarasynyň wekilleri Hytaý Halk Respublikasynyň Şansi welaýatynyň Söwda-senagat edarasynyň wekilleriniň arasynda iş duşuşygy geçirildi.

         Duşuşygyň dowamynda Türkmenistan bilen Hytaýyň arasynda söwda-ykdysady gatnaşyklary mundan beýläk-de ösdürmek, özara bähbitli hyzmatdaşlygy giňeltmek hem-de Türkmenistan – Hytaý söwda-ykdysady forumyny geçirmek bilen bagly meseleler ara alnyp maslahatlaşyldy.

         Taraplar işewür toparlaryň arasynda göni gatnaşyklary pugtalandyrmagyň, özara tejribe alyşmagyň we täze hyzmatdaşlyk ugurlaryny kesgitlemegiň ähmiýetini nygtadylar. Şeýle hem meýilleşdirilýän forumyň iki ýurduň telekeçileriniň arasynda netijeli dialogy ýola goýmaga, işewürlik gatnaşyklaryny işjeňleşdirmäge we bilelikdäki taslamalar üçin täze mümkinçilikleri açmaga ýardam berjekdigi bellenildi.

         Duşuşyk Türkmenistan bilen Hytaýyň arasyndaky dostlukly gatnaşyklary pugtalandyrmakda, söwda-ykdysady hyzmatdaşlygy täze mazmun bilen baýlaşdyrmakda hem-de işewür hyzmatdaşlygyň geljegi uly ugurlaryny ösdürmekde möhüm ädim bolup durýar.

Türkmenistanyň Söwda-senagat edarasynyň

Metbugat gullugy.