TSSE Täzelikler

2024-nji ýylyň 5-nji noýabrynda Türkmenistanyň Söwda-senagat edarasynyň kiçi mejlisler zalynda Türkmen-awstriýa tegelek stoly geçirildi. 2024-nji ýylyň 4-8-nji noýabry aralygynda Awstriýa Respublikasynyň Türkmenistandaky   Adatdan Daşary we Doly Ygtyýarly Ilçisi Tomas Şuler-Götzburgyň ýolbaşçylygyndaky wekiliýetiň Türkmenistana saparynyň çäklerinde geçirilen bu tegelek stola Türkmenistanyň Söwda-senagat edarasynyň başlygy, edaranyň agzalary, Türkmenistanyň ministrlikleriniň we pudak edaralarynyň wekilleri, şeýle hem Türkmenistanyň Senagatçylar we telekeçiler birleşmesiniň agzalary gatnaşdylar. Şeýle hem bu Türkmen-awstriýa tegelek stoluna türkmen tarapy bilen hyzmatdaşlyk etmäge gyzyklanma bildirýän Awstriýanyň täze kompaniýalary hem gatnaşdy.

Türkmen-awstriýa tegelek stolunda gatnaşyklaryň giňeldilmegi, özara peýdaly taslamalar üçin täze başlangyçlaryň öňe sürülmegi, hususy ulgamyň wekilleriniň bilelikdäki tagallalarynyň iki tarap üçin hem täze gözýetimleri açmagy ugrunda hyzmatdaşlygy ösdürmek we çuňlaşdyrmak babatynda birek-biregi goldamagyň mümkinçilikleri bellenilip geçildi.  

Türkmen-awstriýa tegelek stolunyň çäklerinde özara hyzmatdaşlygyň uzak we netijeli bolmagy üçin Türkmenistanyň ministrlikleri we pudak edaralary, hususy ulgamyň wekilleri bilen Awstriýanyň kompaniýalarynyň arasynda degişlilikde ikitaraplaýyn duşuşyklar geçirildi.

Türkmenistanyň Söwda-senagat edarasynyň

Metbugat gullugy.