TSSE Täzelikler

2024-nji ýylyň 4-nji oktýabrynda Polşa Respublikasynyň Daşary işler ministrliginiň wekiliýeti  bilen Türkmenistanyň Söwda-senagat  edarasynyň wekilleriniň arasynda  duşuşyk geçirildi.

Dostlukly ýurtdan gelen myhmanlar Türkmenistan bilen  Polşa Respublikasynyň arasynda   söwda-ykdysady hyzmatdaşlygy berkitmekde toplumlaýyn işleriň alnyp barylýandygy barada   bellediler. Duşuşygyň barşynda  Türkmenistanyň we Polşa Respublikasynyň Söwda-senagat edaralarynyň we Polşanyň import we eksport agentliginiň arasyndaky hyzmatdaşlygy ýola goýmagyň örän wajyplygy nygtaldy. Oba-hojalyk pudagynda şeýle hem  harytlary we maglumatlary alyş-çalyş etmegiň, bilelikdäki kärhanalary döretmegiň  netijeli hyzmatdaşlygy dogrusynda özara pikir alşyldy. Duşuşygyň ahyrynda myhmanlara şu ýylyň 7-8-nji noýabrynda Birleşen Arap Emirlikleriniň Abu-Dabi şäherinde geçiriljek «Türkmenistanda söwda, maýa goýum we işewürlik mümkinçilikleri» atly foruma gatnaşmak teklip edildi.

Türkmenistanyň Söwda-senagat edarasynyň

 Metbugat gullugy.