PÄHIM-PAÝHAS UMMANY MAGTYMGULY PYRAGY
21.09.2024
2024-nji ýylyň
20-nji sentýabrynda Türkmenistanyň Söwda-senagat edarasynyň wekilleri bilen Gana
Respublikasynyň Türkmenistandaky Ilçihanasynyň, Daşary
işler ministrliginiň hem-de bu Respublikanyň Maýa goýumlaryny ösdürmek
merkeziniň wekilleriniň arasynda wideoaragatnaşyk arkaly duşuşyk boldy.
Türkmen telekeçileriniň Ganada, şonuň ýaly hem Gananyň telekeçileriniň
Türkmenistanda özara bähbitli uly mümkinçilikleriniň bardygyna aýratyn üns
çekilen duşuşygyň dowamynda işewürler wekiliýetleriniň birek-biregiň arasynda ikitaraplaýyn
iş saparlaryny guramagyň maksadalaýyklygy bellenildi.
Türkmenistanyň Senagatçylar we
telekeçiler birleşmesiniň hem wekiliniň gatnaşan bu wideoaragatnaşyk arkaly
geçirilen duşuşykda taraplar öz alyp barýan işleri bilen tanyşdyrdylar hem-de
geljekde bellenilen ugurlarda özara söwda-ykdysady hyzmatdaşlygy ýola goýmagyň
mümkinçiliklerini ara alyp maslahatlaşdylar.
Türkmenistanyň
Söwda-senagat edarasynyň
Metbugat gullugy.
2024 ýyl. Ähli hukuklar goralan
