TSSE Täzelikler

Türkmenistanyň Söwda-senagat edarasynyň sergi zalynda 2024-nji ýylyň 16-njy dekabryndan 18-nji dekabry aralygynda dowam eden «Iran Agro Fud» atly Eýranyň 16-njy ýöriteleşdirilen sergisi hem-de işewürler maslahaty öz işini üstünlikli tamamlandy.

Iki dostlukly döwletiň arasyndaky işewürlik gatnaşyklarynyň ýola goýulmagyna ýardam eden bu sergide söwda-ykdysady hyzmatdaşlyga gyzyklanma bildirildi, degişli pudaklaryň hünärmenleriniň arasyndaky duşuşyklar, orta atylan teklipler we pikir alyşmalar iki tarapyň arasynda işewür hyzmatdaşlygyny ösdürmegiň täze mümkinçiliklerini açyp görkezdi. Ýokary derejede guralan bu sergi Eýran Yslam Respublikasynda öndürilýän köp görnüşli azyk önümleriniň, ýokary tehnologiýaly enjamlaryň ýokary hilli harytlaryň tanyşdyrylyş dabarasyna öwrüldi.

«Iran Agro Fud» atly Eýranyň 16-njy ýöriteleşdirilen sergisiniň hem-de işewürler maslahatynyň ahyrynda oňa işjeň gatnaşyjylara ýörite şahadatnamalaryň gowşurylyş dabarasy boldy. Dabaranyň ahyrynda oňa gatnaşyjylar hormatly Prezidentimize Ýüzlenme kabul etdiler.

Türkmenistanyň Söwda-senagat edarasynyň

Metbugat gullugy.