TSSE Täzelikler

2024-nji ýylyň 7-nji noýabrynda Birleşen Arap Emirlikleriniň Abu-Dabi şäherinde «Türkmenistanda söwda, maýa goýum we işewürlik mümkinçilikleri» atly forum açyldy. «Grand Hyatt Abu-Dabi Pearl» myhmanhanasynyň mejlisler zalynda geçirilýän bu foruma dünýäniň 20-den gowrak ýurdundan 70-e golaý kompaniýa, şeýle hem Türkmenistandan wekilçilikli topar gatnaşýar.

Forumy   Türkmenistanyň Ministrler Kabinetiniň Başlygynyň Orunbasary B. Atdaýew dabaraly açdy we Türkmenistanyň ykdysady ösüşleri we mümkinçilikleri hakynda giňişleýin çykyş etdi.

Forumyň ilkinji gününde Türkmenistanyň ministrlikleriniň we pudak edaralarynyň wekilleri hem-de biziň ýurdumyz bilen  söwda-ykdysady gatnaşyklary pugtalandyrmak, özara bähbitli hyzmatdaşlygy giňeltmek, ýurdumyzyň ykdysady mümkinçilikleri bilen ýakyndan tanyşmak isleýän daşary ýurt kompaniýalarynyň wekilleri çykyş etdiler.

«Türkmenistanda söwda, maýa goýum we işewürlik mümkinçilikleri» atly forum 8-nji noýabra çenli dowam eder.

Türkmenistanyň Söwda-senagat edarasynyň

Metbugat gullugy.