TSSE Täzelikler

Bu barada 2024-nji ýylyň 13-nji sentýabrynda Türkmenistanyň Ministrler Kabinetiniň sanly ulgam arkaly geçirilen nobatdaky mejlisinde habar berildi.

Däp bolan bu giň möçberli sergini 2024-nji ýylyň 19-21-nji sentýabry aralygynda paýtagtymyzdaky «Garagum» myhmanhanasynyň ýanynda geçirmek meýilleşdirilýär.

Sergide hormatly Prezidentimiziň parasatly baştutanlygynda Berkarar döwletiň täze eýýamynyň Galkynyşy döwründe ýurdumyzda dürli ugurlar boýunça amala aşyrylýan özgertmeler, Garaşsyzlyk ýyllarynda gazanylan üstünlikler öz beýanyny tapar. Onuň çäklerinde döwlet we hususy kärhanalara täze önümleri, geljekki ösüş maksatnamalary, maýa goýum taslamalary bilen tanyşdyrmak üçin mümkinçilik dörediler. Şeýle hem haly dokamak, dutar ýasamak, küýzegärlik ýaly halk senetçiliginiň görnüşleri boýunça ussatlyk sapaklaryny guramak göz öňünde tutulýar.

Sergide Garaşsyz Türkmenistanda durmuşa geçirilýän özgertmeler, gazanylýan üstünlikler dürli mazmunly ekspozisiýalaryň üsti bilen beýan ediler. 

Türkmenistanyň Söwda-senagat edarasynyň

Metbugat gullugy.