Täzelikler

Zähmetiň belent hormaty: Türkmenistanyň Söwda-senagat edarasynda göreldeli işgärler sylaglandy

24.09.2025

271

2025-nji ýylyň 24-nji sentýabrynda Türkmenistanyň Garaşsyzlygynyň 34 ýyllyk baýramy mynasybetli Türkmenistanyň Söwda-senagat edarasynda dabaraly çäre geçirildi. Bu dabaranyň dowamynda Watanymyzyň Garaşsyzlygyny, özygtyýarlygyny, ykdysady kuwwatyny artdyrmaga aýratyn goşant goşan TSSE-niň işgärlerine Hormat hatlary hem-de gymmat bahaly sowgatlar gowşuryldy.

Sylaglananlaryň hatarynda köp ýyllaryň dowamynda yhlasly we jogapkärçilikli zähmet çeken hünärmenler öz ýürek buýsançlaryny beýan etdiler. Hormatly Prezidentimize halkymyzyň bagtyýarlygy, döwletimiziň gülläp ösmegi, jemgyýetimiziň agzybirligi we bütewiligi ugrunda alyp barýan beýik işleri üçin tüýs ýürekden alkyş aýtdylar.

Şeýle dabaralar ýurdumyzyň ösüş ýolunda zähmet çekýän her bir raýaty täze üstünliklere ruhlandyrýar.

Türkmenistanyň Söwda-senagat edarasynyň

Metbugat gullugy.

Bulary hem okaň