TSSE Täzelikler

          2025-nji ýylyň 11-nji dekabrynda Türkmenistanyň Söwda-senagat edarasynda Türkmenistanyň hemişelik Bitaraplygynyň 30 ýyllygyna bagyşlanan ykdysady üstünlikleriň sergisi geçirildi. Sergi iki gün dowam etdi.

         Serginiň çäginde milli ykdysadyýetiň dürli pudaklarynda gazanylan üstünlikler, senagat we hususy pudagyň mümkinçilikleri, innowasion taslamalar hem-de eksport ugurly önümler giňden tanyşdyryldy. Şeýle-de serginiň dowamynda birnäçe möhüm işewür duşuşyklar we gepleşikler geçirildi.

  Çärä döwlet edaralarynyň, jemgyýetçilik guramalarynyň, hususy pudagyň wekilleri, şeýle hem diplomatik wekilhanalaryň agzalary gatnaşdylar. Duşuşyklaryň dowamynda hyzmatdaşlygy ösdürmek, täze taslamalary durmuşa geçirmek boýunça pikir alşyldy.

        Mazmunly we ýokary guramaçylyk derejesinde geçirilen bu sergi Türkmenistanyň hemişelik Bitaraplygynyň 30 ýyllygyny dabaralandyrmak boýunça alnyp barylýan çäreleriň möhüm bölegi boldy.

Türkmenistanyň Söwda-senagat edarasynyň

Metbugat gullugy.