TSSE Täzelikler

        2025-nji ýylyň 6-njy awgustynda “Awaza” milli syýahatçylyk zolagynda “Deňze çykalgasy bolmadyk ösüp barýan döwletleriň aýratyn zerurlyklary hem-de ösüş ulgamynda olaryň öňünde durýan meseleler barada maglumatlary ýaýratmagyň halkara güni” mynasybetli ýörite brifing geçirildi.

         Çäräniň esasy maksady, deňze çykalgasy bolmadyk ösüp barýan döwletleriň ykdysadyýetini ösdürmekde ýüzbe-ýüz bolýan meseleleri we olaryň çözgütlerini dünýä jemgyýetçiligine ýetirmekdir. Awazada geçirilen bu brifingde, bu ýurtlaryň beýleki döwletler bilen aragatnaşyk we hyzmatdaşlyk meseleleri, ulag, logistika, tehnologiýa we bilim ulgamlarynda täze mümkinçilikleriniň açylmagy barada giňişleýin gürrüň edilip, bu ugurlarda birnäçe çözgüt teklip edildi.

         Brifingde nygtalşy ýaly, geografiýa hiç haçan päsgelçilik döretmeli däldir. Türkmenistan, öz geografik ýerleşişi we möhüm ulag ýolunyň üstünde bolmagy bilen, durnukly ösüşiň binýady hökmünde üstaşyr hyzmatdaşlyk we multimodal ulag arabaglanyşygy boýunça yzygiderli başlangyçlary öňe sürýär. Bu ýagdaý, ýurduň howpsuz we netijeli ulag ulgamynyň döredilmegine uly ýardam edýär.

         Häzirki wagtda bu çäräniň netijeleri, deňze çykalgasy bolmadyk ýurtlaryň ösüşini üpjün etmek üçin halkara hyzmatdaşlygynyň geljekki mümkinçiliklerini giňeltdi.

Türkmenistanyň Söwda-senagat edarasynyň

Metbugat gullugy.