TSSE Täzelikler

          2026-njy ýylyň 27-nji fewralynda Türkmenistanyň Söwda-senagat edarasynyň ýolbaşçysy Owganystanyň Standart we hil meseleleri boýunça edarasynyň başlygy Molla Faizullah Tamimiň ýolbaşçylygyndaky wekiliýet agzalary bilen duşuşyk geçirdi.

         Duşuşykda söwda-ykdysady gatnaşyklary ösdürmegiň möhüm ugurlary, şol sanda standartlaşdyryş, sertifiksiýa we harytlaryň hilini üpjün etmek ulgamlarynda hyzmatdaşlygy giňeltmegiň mümkinçilikleri ara alnyp maslahatlaşyldy. Taraplar özara haryt dolanyşygyny artdyrmakda hil talaplaryna laýyklygyň möhüm ähmiýetini bellediler.

         Duşuşygyň dowamynda 2024-nji 4-nji martynda ýurdumyzda üstünlikli geçirilen Owgan harytlarynyň sergisiniň ähmiýeti aýratyn nygtaldy. Bu sergi iki ýurduň işewür toparlarynyň arasynda göni gatnaşyklary ösdürmäge, hyzmatdaşlyk ugurlaryny açmaga mümkinçilik döretdi. Serginiň ýokary guramaçylyk derejesi we netijeliligi onuň örän ähmiýetli çäre bolandygyny görkezdi.

     Bu giň mümkinçilikleriň döredilip berilmegi mynasybetli owgan tarapynyň wekilleri Hormatly Prezidentimiz Serdar Berdimuhamedowa hem-de Türkmen halkynyň Milli Lideri Gahryman Arkadagymyza hoşallyk bildirip, çuňňur minnetdarlyk sözlerini beýan etdiler.

         Hormatly Prezidentimiziň öňdengörüjilikli syýasaty netijesinde goňşy döwletler bilen dost-doganlyk gatnaşyklary yzygiderli ösdürilýär. Geçirilen duşuşyk türkmen-owgan hyzmatdaşlygyny mundan beýläk-de berkitmäge gönükdirilen möhüm ädim boldy.

Türkmenistanyň Söwda-senagat edarasynyň

Metbugat gullugy.