TSSE Täzelikler

    2026-njy ýylyň 29-njy ýanwarynda Türkmenistanyň Söwda-senagat edarasynda “Arassa Nusga” hojalyk jemgyýetiniň hünärmenleriniň gatnaşmagynda emeli aň tehnologiýalaryny iş tejribesine ornaşdyrmak we netijeli peýdalanmak bilen bagly meseleler boýunça okuw maslahaty geçirildi. Maslahat sanly özgertmeleriň häzirki tapgyrynda täze tehnologiýalary önümçilik we dolandyryş işlerine ornaşdyrmagyň ähmiýetine bagyşlandy.

         Maslahatyň dowamynda emeli aň esasly çözgütleriň maglumat seljermesinde, eksport ugurly maglumatlary taýýarlamakda, şeýle hem häzirki zaman sanly çözgütleriň dolandyryş işleriniň tizligini we takyklygyny ýokarlandyrmakda berýän mümkinçilikleri barada giňişleýin çykyşlar edildi.     Hünärmenler tarapyndan häzirki zaman sanly gurallaryň amaly ulanylyşy, olaryň netijeliligi we iş tejribesine ornaşdyrmagyň aýratynlyklary barada düşündirişler berildi.

Maslahatyň barşynda edaranyň işini döwrebaplaşdyrmak, maglumat akymlaryny tiz we takyk dolandyrmak hem-de sanly tehnologiýalary yzygiderli peýdalanmak arkaly iş netijeliligini artdyrmak meseleleri boýunça pikir alyşmalar geçirildi. Şeýle-de bu ugurda hünär taýýarlygyny güýçlendirmek we okuw çärelerini dowamly esasda geçirmek barada teklipler öňe sürüldi.

         Çärä gatnaşyjylar emeli aň tehnologiýalarynyň häzirki döwürde dolandyryş we analitika işiniň aýrylmaz bölegine öwrülýändigini belläp, bu ugurdaky hyzmatdaşlygy mundan beýläk-de ösdürmek maksadalaýyk boljakdygyny nygtadylar.

Türkmenistanyň Söwda-senagat edarasynyň

Metbugat gullugy.