TSSE Täzelikler

Türkmenistanyň Söwda-senagat edarasynda giňden ýaýbaňlandyrylan  sergi 2025-nji ýylyň 24-nji oktýabrynda tamamlandy.

    Berkarar döwletimize ähli ulgamlarda, şol sanda ýangyç-energetika toplumynda hem giň gerimli özgertmeler üstünlikli amala aşyrylýar. Şunda ykdysadyýetiň durnukly ösüşi, ýurdumyzyň mundan beýläk-de öňe gitmegi we gülläp ösmegi hem-de halkymyzyň rowaçlygynyň üpjün edilmegi üçin nebitgaz senagatynyň ägirt uly mümkinçiliklerini netijeli ulanmak milli strategiýanyň möhüm ugry bolup durýar. Daşary ýurt maýa goýumlaryny we öňdäki wezipeleri çözmek üçin tejribeli kompaniýalary işjeň çekmek ýangyç-energetika ulgamynda döwlet strategiýasynyň esasy ugurlarynyň biridir. Şunuň bilen baglylykda, ýurdumyz üstünlikli iş alyp barmak üçin ähli şertleri we amatly maýa goýum ýagdaýyny döredýär hem-de energetika ulgamynda uzak möhletleýin özara bähbitli hyzmatdaşlygy ösdürmegi maksat edinýär.

    Bu halkara maslahat we serginiň netijeleri nebitgaz senagatynyň mundan beýläk-de ösdürilmegine,  ata Watanymyzyň ykdysady kuwwatyny has-da pugtalandyrmaga we halkymyzyň rowaçlygyny ýokarlandyrmaga täsir eder.

                                                         Türkmenistanyň Söwda-senagat edarasynyň

                                                                                        Metbugat gullugy