TSSE Täzelikler

       2025-nji ýylyň 21-23-nji awgusty aralygynda Türkmenistanyň Söwda-senagat edarasynda geçirilýän “Kids Expo: ähli zat çagalar üçin” halkara sergi-ýarmarkasynyň çäginde  çagalaryň dürli ýaş toparlaryna niýetlenen birnäçe ugurlar boýunça ylmy-usuly görkezmeler we interaktiw okuw sapaklary, el işleri hem-de keramika sungaty boýunça ussatlyk sapaklary, programmirleme boýunça wiktorinalar, kompýuter oýunlaryny döretmek boýunça okuw sapaklary geçirildi.

         Ylmy-usuly sapaklar ýaşlaryň  bilime bolan gyzyklanmasyny artdyryp, olaryň täze tehnologiýalar bilen tanyşmagyna giň ýol açdy. El işleri we keramika boýunça geçirilen ussatlyk sapaklary çagalaryň döredijilik ukyplaryny ösdürdi, olaryň sungata bolan söýgüsini artdyrdy. Sport  çäreleri çagalara sagdyn durmuş ýörelgelerini wagyz etmekde ähmiýetli boldy.

         Şeýle hem guralan çäreler çagalaryň  arasyndaky dostlukly gatnaşyklaryň berkemegine mümkinçilik döretdi.

       “Kids Expo: ähli zat çagalar üçin” halkara sergi-ýarmarkasynyň dowamynda geçirilýän çäreler ýaşlaryň intellektual we döredijilik mümkinçilikleriniň giňemegine, olaryň  pikirlenme başarnyklarynyň ösmegine we döwrebap jemgyýetde işjeň orun eýelemegine uly itergi berýär.

Türkmenistanyň Söwda-senagat edarasynyň

Metbugat gullugy.