TSSE Täzelikler

     2026-njy ýylyň 19-njy martynda Söwda-senagat edarasynda ýaýbaňlandyrylan  Türkmenistanyň Senagatçylar we telekeçiler birleşmesiniň döredilmeginiň 18 ýyllygy mynasybetli gurnalan  köpugurly sergi öz işini tamamlady.

           Telekeçiligiň gazananlarynyň sergisi ýurdumyzda şanly senäniň — mukaddes Garaşsyzlygymyzyň 35 ýyllygynyň toýlanylýan ýylynda has-da uly ähmiýete eýe boldy.

          Geçen 18 ýylda ýurdumyzyň kiçi we orta işewürligi ýokary derejede ösdi.

      Giň möçberli sergi ykdysadyýetimiziň hususy pudagynyň ýeten derejelerini,  telekeçileriň ýerine ýetirýän hyzmatlaryny hem-de içerki we daşarky bazarlarda uly isleg bildirilýän ýokary hilli önümlerini  tanyşdyrdy.

        Sergi şeýle hem sanly ykdysadyýetiň ösüşiniň netijeleri, önümçilige ýokary tehnologiýalaryň, täzeçil işläp taýýarlamalaryň ornaşdyrylyşy bilen tanyşmaga mümkinçilik berdi.

     Gözden geçirilişiň ahyrynda oňa gatnaşyjylar diplomlar bilen sylaglanyldy. Sergä gatnaşyjylaryň belleýşi ýaly, hormatly Prezidentimiziň taýsyz tagallalary netijesinde, ýurdumyzda işewürligi ösdürmek üçin iň gowy şertler döredilýär.  Bu bolsa milli ykdysadyýetimizi batly depginler bilen ösdürmäge, halkymyzyň ýaşaýyş-durmuş şertlerini has-da gowulandyrmaga, ata Watanymyzy ösdürmäge ýardam edýär.

                                                         Türkmenistanyň Söwda-senagat edarasynyň

                                                                                                      Metbugat gullugy.