TSSE Täzelikler

         2025-nji ýylyň 5-nji awgustynda “Awaza” milli syýahatçylyk zolagynda Hazar deňziniň meselelerine bagyşlanan ýokary derejeli duşuşyk geçirildi. Duşuşyk Türkmenistanyň guramagynda geçirilip, Hazarýaka döwletleriniň – Azerbaýjanyň, Eýranyň, Gazagystanyň, Russiýanyň we Türkmenistanyň ýokary derejeli wekilleriniň gatnaşmagynda geçirildi.

        Bu duşuşykda Hazar deňziniň hukuk ýagdaýy, ekologiýa taýdan durnukly ösüşi, bioresurslaryň goragy hem-de ykdysady hyzmatdaşlygyň giňeldilmegi bilen bagly meseleler ara alnyp maslahatlaşyldy. Taraplar deňiz giňişligindäki köptaraplaýyn hyzmatdaşlygyň hukuk binýadyny has-da kämilleşdirmegiň zerurdygyny nygtadylar.

         Foruma gatnaşyjylary Hazarýaka döwletleriniň özara ynanyşmak esasynda alyp barýan syýasy, ykdysady we ekologiýa ugurlaryndaky hyzmatdaşlygynyň wajypdygyny belläp geçdiler. Şeýle hem deňziň ekologiýasyny gorap saklamak, onuň tebigy baýlyklaryny durnukly peýdalanmak we bu ugurda bilelikdäki taslamalary durmuşa geçirmek meseleleri boýunça täze pikirler we çözgütler öňe sürüldi.

       Duşuşygyň ahyrynda gatnaşyjylar hyzmatdaşlygyň geljegini has-da pugtalandyrmak, Hazar deňziniň parahatçylyk, hyzmatdaşlyk we ösüş zolagy hökmünde saklanylmagy ugrunda tagallalary utgaşdyrmak barada ylalaşdylar.  

Türkmenistanyň Söwda-senagat edarasynyň

Metbugat gullugy.