Halkara Parahatçylyk we Ynanyşmak Ýyly
Baş sahypa

TSSE Täzelikler

Çagalaryň akyl dünýäsi sergide ýalkym saçdy

21.08.2025
42

      2025-nji ýylyň 21-nji awgustynda Türkmenistanyň Söwda-senagat edarasynda geçirilen “Kids Expo: ähli zat çagalar üçin” atly halkara sergi-ýarmarkasy ýaş zehinleriň baýramyna öwrüldi. Serginiň çäginde guralan Halkara akyl arifmetika olimpiadasynyň jemleýji tapgyry aýratyn täsir galdyrdy.

         Ýüzlerçe ýaş zehin baýramçylyk ruhunda geçirilýän bu bäsleşikde öz başarnyklaryny synagdan geçirdiler. Çalt hasaplamak, akyl ýörgünligini görkezmek boýunça bäsleşen çagalaryň her biriniň joşguny sergä gatnaşanlarda uly täsir galdyrdy.

         Jemleýji tapgyrda üstünlikli çykyş eden ýeňijilere gymmat bahaly baýraklar we ýadygärlik sowgatlary gowşuryldy. Bu pursat diňe bir ýeňijileri üçin däl, eýsem ähli gatnaşan ýaşlar üçin hem aýratyn ýatda galyjy boldy.

       “Kids Expo” çagalaryň ukyp-başarnyklaryny açyp görkezmekde, döredijilik we bilim giňişligini baýlaşdyrmakda möhüm meýdança hökmünde aýratyn ähmiýete eýe boldy. 

Türkmenistanyň Söwda-senagat edarasynyň

Metbugat gullugy.


Bulary hem okaň