TSSE Täzelikler

2025-nji ýylyň 21-23-nji awgusty aralygynda Türkmenistanyň Söwda-senagat edarasynda geçirilýän “Kids Expo: ähli zat çagalar üçin” halkara sergi-ýarmarkasy ýokary guramaçylyk derejesinde dowam edýär.

Serginiň ikinji güni, 22-nji awgustda, meýilnama boýunça çagalaryň zehinini, döredijilik başarnyklaryny we sport ukyplaryny ösdürmäge gönükdirilen dürli gyzykly çäreler guralýar. Olaryň çäklerinde:

·        döredijilik bäsleşikleri we interaktiw sapaklary geçirilýär;

·        çagalaryň el işleriniň, suratlarynyň we dürli döredijilik önümleriniň sergisi guralýar;

·        sport bäsleşikleri, oýunlar we beýleki hereketli çäreler alnyp barylýar;

·        okuw we ylmy-usuly görkezmeler görkezilýär.

Sergi-ýarmarkanyň dowamynda ýurdumyzyň hem-de daşary ýurtlaryň birnäçesiniň wekilýetleriniň we bilim merkezleriniň gatnaşmagynda giň tejribe alyşmak mümkinçiligi döredildi. Şeýle çäreler ýaşlaryň dünýä derejesinde zehin mümkinçilikleriniň ösdürilmegine,  döredijilik we innowasion ukyplarynyň açylmagyna, şeýle hem dost-doganlyk gatnaşyklarynyň pugtalandyrylmagyna uly itergi berýär.

Türkmenistanda ýaşlaryň döwrebap bilim almagy, dürli ugurlarda ukyp-başarnyklaryny görkezmegi we halkara derejesinde Watanymyzyň abraýyny beýge galdyrmagy üçin giň mümkinçilikleriň döredilmegi Hormatly Prezidentimiziň ýaş nesiller hakdaky aladasynyň aýdyň subutnamasydyr.

Türkmenistanyň Söwda-senagat edarasynyň

Metbugat gullugy.