TSSE Täzelikler

           2025-nji ýylyň 28-nji iýulynda Azerbaýjan Respublikasynyň Baku şäherinde Ykdysady hyzmatdaşlyk boýunça hökümetara türkmen-azerbaýjan toparynyň nobatdaky 8-nji mejlisi geçirildi.

         Mejlise Türkmenistanyň döwlet wekiliýeti gatnaşdy. Wekiliýetiň düzüminde birnäçe ministrlikleriň we pudaklaýyn dolandyryş edaralaryň ýolbaşçylary bilen bir hatarda, Türkmenistanyň Söwda-senagat edarasynyň ýolbaşçysy  hem gatnaşdy.

         Duşuşygyň dowamynda taraplar söwda, senagat, energetika, ulag-logistika, oba hojalygy, syýahatçylyk ýaly birnäçe ugurlar boýunça hyzmatdaşlygyň häzirki ýagdaýyny ara alyp maslahatlaşdylar. Şeýle-de hyzmatdaşlygy mundan beýläk-de ösdürmek boýunça teklipler, meýilnamalar we täze başlangyçlar öňe sürüldi.

         Bu mejlis, iki döwletiň arasyndaky dostlukly we ynanyşmaga esaslanýan gatnaşyklarynyň giňeldilmeginde möhüm ähmiýete eýedir. Taraplar özara bähbitli hyzmatdaşlygy ösdürmek bilen, sebitleýin durnukly ösüşe hem-de ykdysady gatnaşyklaryň täze derejelere çykmagyna itergi berýärler.

        Türkmenistan bilen Azerbaýjanyň arasynda yzygiderli geçirilýän hökümetara mejlisler dürli ugurlarda hyzmatdaşlygyň berk binýadyny döredýär.

Türkmenistanyň Söwda-senagat edarasynyň

Metbugat gullugy.