Halkara Parahatçylyk we Ynanyşmak Ýyly
Baş sahypa

TSSE Täzelikler

Awazada geçirilen BMG-nyň Deňze çykalgasy bolmadyk ösüp barýan döwletler boýunça üçünji maslahaty öz işini tamamlady

09.08.2025
208

2025-nji ýylyň 8-nji awgustynda Awazada geçirilen BMG-nyň Deňze çykalgasy bolmadyk ösüp barýan döwletler boýunça üçünji maslahaty üstünlikli tamamlandy. Forumyň soňky gününde geçirilen mejlisde maslahatyň jemleri jemlendi, şol sanda Hereketleriň Awaza Maksatnamasyny tassyklaýan syýasy Jarnama kabul edildi.

         BMG-nyň Awaza forumynyň jemleýji mejlisinde, dünýäniň dürli künjeklerinden ýokary derejeli wekiller maslahatyň esasy netijelerine seredip, öňde goýlan wezipeleriň ýerine ýetirilmegi üçin bilelikde hereket etmäge çagyryldy.

         Hereketleriň Awaza Maksatnamasy BMG-nyň Deňze çykalgasy bolmadyk ösüp barýan döwletleri üçin özara hyzmatdaşlygyň, ykdysady ösüşiň we ulag-logistika taslamalarynyň güýçlendirilmegi üçin esasy ýol karta hökmünde kabul edilýär. Bu Maksatnama, bu ýurtlaryň ykdysadyýetini döwrebaplaşdyrmak, täze iri infrastruktura taslamalaryna maýa goýumlaryny çekmek we global söwda ýollaryna goşulmak üçin möhüm ähmiýete eýe bolup durýar.

         Forumyň jemleýji mejlisinden soňra, metbugat üçin ýörite maslahatyň geçirilmegi bilen giň jemgyýetçilige möhüm maglumatlar ýetirilip, ýokary derejeli wekiller forumyň tamamlanmagynyň nyşany hökmünde baýdak düşürmek dabarasyna gatnaşdylar. Bu dabaranyň dowamynda Türkmenistanyň halkara derejesindäki hyzmatdaşlyklary ösdürmek üçin ädýän ädimleriniň möhüm orna eýe bolandygy  bellenildi.

         Bu maslahatyň jemleri, Türkmenistan bilen BMG-nyň Deňze çykalgasy bolmadyk ösüp barýan döwletler baradaky hyznatdaşlygynyň täze, esasy tapgyryny kesgitlemekde möhüm ädim boldy.

Türkmenistanyň Söwda-senagat edarasynyň

Metbugat gullugy.


Bulary hem okaň