TSSE Täzelikler

2025-nji ýylyň 5-8-nji awgusty aralygynda Awaza milli syýahatçylyk zolagynda Birleşen Milletler Guramasynyň Deňze çykalgasy bolmadyk ösüp barýan döwletleriň üçünji maslahatynyň çäklerinde Hususy pudagyň forumy geçirildi. Forumda dünýäniň dürli künjeklerinden wekiller, hususy pudagyň ösüşi, ykdysadyýetde ösüş mümkinçilikleri, sanly ösüş we maliýeleşdirmäniň wajyp meseleleri boýunça giňişleýin pikir alyşdylar.

         Forumyň birinji we ikinji gününde “Söwda we Üstaşyr geçelgeleri”, “Deňze çykalgasy bolmadyk döwletleriň ösüş mümkinçilikleri”, “Maliýeleşdirme we maýa goýumlar”, “Sanly ösüş” we “Hususy pudagyň üsti bilen ösüşi üpjün etmek” atly mowzuklar boýunça çykyşlar diňlenildi. Forumda wekiller hususy pudagyň ykdysadyýete goşýan uly goşandyny belläp geçdiler.

         Hususy Pudagyň Forumynyň jemleýji Hereket resminamasynyň beýan edilişi babatda Türkmenistanyň Söwda-senagat edarasynyň ýolbaşçysy çykyş etdi we resminamanyň dört sany tematiki ugry beýan edildi:

1.     Söwda we tranzit

2.     Ösüş mümkinçilikleri

3.     Sanly ösüş

4.     Maliýeleşdirmek we maýa goýum

Forumyň ahyrynda, BMG-nyň Deňze çykalgasy bolmadyk ösüp barýan döwletler boýunça Ýokary wekiliýetiniň, forumyň ýokary derejede geçirilendigini nygtap, BMG-nyň Baş Sekretary Antoniu Guterrişiň adyndan minnetdarlyk bildirildi we forumyň üstünlikli geçenligi baradaky hoşallyk sözleri beýan edildi.

Hususy pudagyň forumy ilkinji gezek LLDC3 maslahatynyň çäginde geçirilmegi we bu taryhy waka BMG-nyň Baş Sekretary Antoniu Guterrişiň gatnaşmagy, forumyň ähmiýetini has-da ýokarlandyryp, global derejede  ykrar edildi.

Bu forumyň netijeleri, hususy pudagyň halkara derejesinde ösdürilmegine ýardam berer we maliýe, söwda, maýa goýumlary ýaly möhüm ugurlarda döwrebap çözgütleriň işlenip düzülmegine mümkinçilik döreder.

Türkmenistanyň Söwda-senagat edarasynyň

Metbugat gullugy.