TSSE Täzelikler

     Türkmenistanyň Söwda-senagat edarasynda dowam edýän “Hyzmatdaşlyk we ösüş” atly köpugurly halkara sergi işewür hyzmatdaşlygyň işjeň merkezine öwrülip, halkara ykdysady gatnaşyklary ösdürmekde möhüm ähmiýete eýe bolýar. Serginiň çäklerinde geçirilýän duşuşyklar, şol sanda B2B duşuşyklary we tanyşdyrylyş çykyşlary gatnaşyjylar üçin täze mümkinçilikleriň gapysyny giňden açýar.

         Dünýäniň dürli ýurtlaryndan gelen kompaniýalaryň wekilleri bilen ýurdumyzyň işewürleriniň arasynda geçirilýän gepleşikler ýokary işjeňlik bilen dowam edýär. Bu duşuşyklar diňe bir tejribe alyşmak bilen çäklenmän, eýsem, täze hyzmatdaşlyk ugurlaryny kesgitlemäge hem-de geljegi uly taslamalaryň binýadyny goýmaga mümkinçilik berýär.

         Şol bir wagtda, serginiň çäklerinde guralýan tanyşdyrylyş çykyşlary häzirki zaman önümçilikleriniň gazananlaryny, innowasion tehnologiýalary we hyzmatlary giňden açyp görkezýär. Kompaniýalaryň hödürleýän çözgütleri gatnaşyjylaryň uly gyzyklanmasyna eýe bolup, ykdysady hyzmatdaşlygyň täze derejelere çykmagyna itergi berýär.

         Bu halkara sergi öz mazmuny we giň gerimi bilen diňe bir önümçilik üstünlikleriniň görkeziliş meýdançasy bolman, eýsem, netijeli hyzmatdaşlygyň pugtalandyrylýan, täze başlangyçlaryň döreýän möhüm platformasy hökmünde çykyş edýär.

         “Hyzmatdaşlyk we ösüş” sergisi Türkmenistanyň halkara ykdysady giňişligindäki işjeň ornunyň barha berkeýändigini aýdyň görkezmek bilen, geljekki ösüşlere ynamly ädimleriň ädilýändiginiň aýdyň nyşanyna öwrülýär.

Türkmenistanyň Söwda-senagat edarasynyň

Metbugat gullugy.