Halkara Parahatçylyk we Ynanyşmak Ýyly
Baş sahypa

TSSE Täzelikler

Ähli zat çagalar üçin: halkara sergi-ýarmarka ýatdan çykmajak täsirler bilen tamamlandy

23.08.2025
123

        Üç gün dowam eden giň gerimli sergi-ýarmarka dünýäniň dürli ýurtlaryndan köp sanly kompaniýalaryň, edara-kärhanalaryň hem-de döredijilik toparlarynyň gatnaşmagynda ýokary guramaçylyk derejesinde geçirildi. Sergi-ýarmarkanyň dowamynda çagalara niýetlenen önümler, oýunlar, kitaplar, bilim-tehnologiýa serişdeleri, okuw-usuly gollanmalar, saglygy goraýyş hyzmatlary bilen bagly giň görnüşli sergiler görkezildi.

         Mundan başga-da, çäreleriň çäklerinde çagalaryň zehinini ösdürmäge gönükdirilen ylmy-usuly sapaklar, döredijilik bäsleşikleri we maşgala üçin gyzykly oýunlar guraldy. Şeýlelikde, sergi diňe bir söwda meýdançasy bolman, eýsem çagalaryň döwrebap bilim-terbiýesini ösdürmäge we olaryň ukyp-başarnyklaryny açmaga mümkinçilik döreden giň mümkinçilikli çäre hökmünde tapawutlandy.

         “Kids Expo 2025” halkara sergi-ýarmarkasynyň üstünlikli geçirilmegi döwletimiziň çagalaryň sagdyn we hemmetaraplaýyn ösüşine gönükdirilen döwlet syýasatynyň üstünlikli durmuşa geçirilýändiginiň subutnamasy boldy.

Türkmenistanyň Söwda-senagat edarasynyň

Metbugat gullugy.


Bulary hem okaň