TSSE Täzelikler

Ýurdumyzyň gurluşygynyň, senagatynyň we energetikasynyň ýeten sepgitlerini dünýä jemgyýetçiligine ýaýbaňlandyrmakda möhüm ähmiýete eýe bolan «Türkmenistanyň gurluşygy, senagaty, energetikasy ─ 2024» atly halkara sergisi we «Türkmenistanyň gurluşyk, senagat, energetika pudaklarynyň ösüşi» atly maslahaty dowam edýär.

Türkmenistanyň Söwda-senagat edarasynyň döwrebap binasynda 3 günläp guralýan bu gözden geçirilişde Özbegistan Respublikasyndan, Türkiýe Respublikasyndan, Birleşen Arap Emirliklerinden, Russiýa Federasiýasyndan, Hytaý Halk Respublikasyndan, Eýran Yslam Respublikasyndan, Ýaponiýa döwletinden, Gazagystan Respublikasyndan hem-de Hindistandan gatnaşýan ýüze golaý kompaniýalaryň wekilleri türkmen kärdeşleri bilen degişli pudaklarda alyp barýan işleri boýunça birek-birek bilen tejribelerini paýlaşýarlar.

«Türkmenistanyň gurluşyk, senagat, energetika pudaklarynyň ösüşi» atly maslahatda Türkmenistanyň gurluşygynda, senagatynda we energetikasynda täze depginlere aýratyn üns çekilip, özara hyzmatdaşlygyň geljegi hakynda pikir alşyldy.

Türkmenistanyň Söwda-senagat edarasynyň

Metbugat gullugy.