TSSE Täzelikler

 2024-nji ýylyň 10-njy sentýabrynda  Türkmenistanyň Ylymlar akademiýasynyň Halkara ylmy-tehnologiýalar parkynyň döwrebap binasynda Türkmenistanyň ykdysadyýetine ýokary tehnologiýalary we innowasiýalary çekmek boýunça halkara forumy we sergisi öz işine başlady.

Bu giň möçberli halkara çäresi emeli intellektiň ösdürilmegi we ornaşdyrylmagy, durmuşyň ähli pudaklaryna innowasiýa tehnologiýalarynyň çekilmegi, onlaýn bazarlaryň ösdürilmegi we maýa goýum işleriniň giňeldilmegi ýaly köp sanly meseläni öz içine alar.

Bu forum we sergi innowasiýa tehnologiýalar pudagynda daşary ýurtly hyzmatdaşlar bilen özara peýdaly we deň hukukly hyzmatdaşlygy güýçlendirmek hem-de işjeňleşdirmek üçin özboluşly meýdança bolar.

Dünýäniň gazanan iň soňky innowasiýon çözgütleriniň esasynda gurnalýan bu halkara çäräniň pawilýonlaryndaky tanyşdyrylyş zolaklarynda  türkmen we daşary ýurtlardan gelen gatnaşyjylar myhmanlary özleriniň taslamalary bilen tanyşdyrarlar.  

Türkmenistanyň Söwda-senagat edarasynyň

Metbugat gullugy.