TSSE Täzelikler

2024-nji ýylyň 29-njy aprelinde Fransiýa Respublikasynyň Pariž şäherinde Halkara sergiler býurosynyň binasynda Dolandyryş we býujet boýunça komitetiniň nobatdaky mejlisi geçirildi. Mejlisiň işine Türkmenistanyň wekiliýeti, şol sanda Türkmenistanyň Söwda-senagat edarasynyň wekili hem gatnaşdy.

Türkmenistan Halkara sergiler býurosynyň agzasy bolmak bilen, bu guramanyň geçirýän mejlislerine we beýleki çärelerine, şeýle hem dünýä we ýöriteleşdirilen sergilere işjeň gatnaşýar.

Mejlisde Türkmenistanyň wekiliýeti Hormatly Prezidentimiz Serdar Berdimuhamedowyň alyp barýan parasatly içeri we daşary syýasaty netijesinde halkara sergi işini ösdürmekde ýurdumyzyň abraýly halkara guramalar we dünýä döwletleri bilen hyzmatdaşlygyň giňeldilýändigini nygtap, «Türkmenistanyň halkara sergi işini ösdürmegiň 2024-2025-nji ýyllar üçin Konsepsiýasyna» laýyklykda, Halkara sergiler býurosynyň indiki mejlisleriniň biriniň Aşgabat şäherinde geçirilmegini teklip etdi. Bu teklip komitetiň sekretariýaty, şeýle hem onuň agzalary tarapyndan goldanyldy.

Türkmenistanyň Söwda-senagat edarasynyň

Metbugat gullugy.