Öňden habar berlişi ýaly, 2024-nji ýylyň 17-19-njy marty aralygynda Aşgabatda Türkmenistanyň Senagatçylar we telekeçiler birleşmesiniň döredilmeginiň 16 ýyllygy mynasybetli geçirilýän sergi hem-de birleşmäniň agzalarynyň maslahaty öz işine başlady.
Bu giň möçberli çäre
Berkarar döwletiň täze eýýamynyň Galkynyşy döwründe ýurdumyzyň
durmuş-ykdysady ugurda uly üstünlikler gazanýan, ylmyň gazananlaryny,
öňdebaryjy tejribäni ähli ulgamlara işjeň ornaşdyrýan türkmen telekeçileriniň
16 ýylyň dowamynda gazanan sepgitlerini ýaýbaňlandyrmakda aýratyn ähmiýete eýe
bolar.
Döwlet tarapyndan döredilýän
şertlerden peýdalanyp, döwrebap tehnologiýalar bilen üpjün edilen kärhanalarda
öndürilen ýokary hilli, daşary ýurt bazarlarynda bäsdeşlige ukyply önümleriň
eksportyny yzygiderli artdyrmak arkaly halkara söwda-ykdysady hyzmatdaşlygy
ösdürmekde guwandyryjy netijeleri gazanýan türkmen hususyýetçileriniň
üstünliklerini giň jemgyýetçilige ýaýbaňlandyrmakda özboluşly meýdança öwrülýän
bu sergi 3 günläp dowam eder.
Türkmenistanyň
Söwda-senagat edarasynyň
Metbugat
gullugy.