TSSE Täzelikler

 Ak mermerli paýtagtymyzdaky «Ýyldyz» myhmanhanasynda iki günläp geçirilen  Türkmenistanyň maýa goýum forumynyň we ugurdaş sergisiniň işine dünýäniň abraýly bilermenleri, öňdebaryjy milli we halkara nebitgaz, energetika, gurluşyk, ulag-kommunikasiýa kompaniýalarynyň, halkara guramalaryň, maliýe düzümleriň we ylmy merkezleriň wekilleri gatnaşdylar.  

Bu maýa goýum forumy we ugurdaş sergisi maýadarlar, daşary ýurtly işewür hyzmatdaşlar we Türkmenistanda işlemek isleýän kompaniýalar bilen gatnaşyklary ýola goýmakda, halkara hyzmatdaşlygyny pugtalandyrmakda, eksport mümkinçiliklerini giňeltmekde we daşary ýurt maýa goýumlaryny, esasan hem dürli taslamalara maýa goýmaga taýyn halkara maýadarlaryny çekmekde möhüm ähmiýetli meýdança öwrüldi.

Türkmenistanyň maýa goýum forumynyň we ugurdaş sergisiniň dowamynda maýa goýum mümkinçilikleriniň,  ýurdumyzy senagat, ylmy-tehnologik we durmuş-ykdysady taýdan ösdürmegiň ugurlary barada  özara pikir alşyldy. Şeýle hem halkara guramalaryň, iri maliýe düzümleriniň we daşary ýurt işewürler bileleşiginiň wekilleriniň arasynda tanyşdyryş çäreleri geçirilip, türkmen tarapynyň teklip eden innowasiýon taslamalaryna maýa goýumlary gönükdirmegiň maksadalaýyklygy ara alnyp maslahatlaşyldy.  

Türkmenistanyň Söwda-senagat edarasynyň

Metbugat gullugy.