TSSE Täzelikler

2023-nji ýylyň 22-23-nji noýabrynda  Beýik Britaniýanyň London şäherinde «Türkmenistan: maýa goýum we ösüş» atly forum geçirildi.

Bu giň möçberli çärä Türkmenistanyň ministrliklerinden we pudak-edaralarynyň wekillerinden düzülen uly topar bilen bilelikde Söwda-senagat edarasynyň wekilleri hem gatnaşdy.

 «Türkmenistan: maýa goýum we ösüş» atly forum Türkmenistanyň ykdysadyýetiniň esasy alty pudagy boýunça işewürlik mümkinçilikleri barada maglumatlary jemledi. Bu forumyň üsti bilen öňdebaryjy kompaniýalaryň ünsi  ýurduň geljekdäki ösüş meýilnamalaryna we Türkmenistanyň halkara hyzmatdaşlygyna taýýarlygyna çekildi.

 Forumda Türkmenistanyň ykdysadyýetiniň esasy düzümlerindäki täjirçilik mümkinçilikleri açylyp görkezildi. Munuň özi  öňdebaryjy kompaniýalara ýurduň ösüş meýilnamalary we halkara hyzmatdaşlyga bolan meýilleri bilen ýakyndan tanyşmaga amatly mümkinçilik döretdi. Bu çärede halkara bilermenleri, seljerme işlerini geçirýän hünärmenler hem-de Türkmenistanyň döwlet we hususy düzümleriniň ýolbaşçylary özara pikir alyşdylar.

Türkmenistanyň ykdysady ösüş we maýa goýum kuwwatlyklary, esasan hem  gaýtadan dikeldilýän energiýa çeşmeleri, maliýe, bank we ätiýaçlandyryş, durmuş düzümlerini ösdürmek üçin maýa goýumlar ugurlaryna degişli meselelere garalan bu forumyň maksady, täze hyzmatdaşlyk ugurlaryny döretmekden we ozaldan bar bolanlary has-da giňeltmekden ybaratdyr.

Türkmenistanyň Söwda-senagat edarasynyň

Metbugat gullugy.