Mälim bolşy
ýaly, 2024-nji ýylyň 10-12-nji marty aralygynda Türkmenistanyň Daşary işler
ministri Raşid Meredowyň ýolbaşçylygyndaky türkmen wekiliýeti Awstriýada iş
saparynda boldular.
Saparyň
çäklerinde türkmen wekiliýeti bilen Awstriýanyň onlarça kompaniýasynyň
wekilleriniň arasynda «Tegelek stol» görnüşli duşuşyk geçirildi. Duşuşykda ikitaraplaýyn hyzmatdaşlygyň birnäçe
meselelerine, şol sanda oba hojalygy, gaýtadan işleýän senagat, gurluşyk, maşyn
gurluşygy, sanlylaşdyrma we maglumat tehnologiýasy ýaly ugurlara garaldy. Şeýle
hem özara bähbitli hyzmatdaşlygy çuňlaşdyrmagyň we täze taslamalary durmuşa
geçirmegiň ähmiýetine ýokary baha berýän taraplar hyzmatdaşlygyň geljegi
hakynda pikir alyşdylar.
Türkmenistanyň Söwda-senagat edarasynyň
Metbugat gullugy.