TSSE Täzelikler

Türkmenistanyň Söwda-senagat edarasynyň binasynda geçirilýän Senagatçylar we telekeçiler birleşmesiniň giň möçberli sergisinde ykdysadyýetimiziň hususy pudagynyň ýeten derejeleri, hususy telekeçileriň ýerine ýetirýän hyzmatlary, içerki we daşarky bazarlarda uly isleg bildirilýän ýokary hilli önümleri görkezilýär.

Senagatçylar we telekeçiler birleşmesiniň dürli ugurda iş alyp barýan agzalary öz önümlerini hem-de geçen döwürde gazanan üstünliklerini sergä gatnaşyjylara hödürleýärler.

Sergi ekspozisiýasy özünde halka hödürlenýän harytlaryň we hyzmatlaryň giň göwrümini jemleýär. Sergide azyk hem-de ýeňil senagaty, dokma we maldarçylyk pudaklary, söwda, bilim, syýahatçylyk, çaphana we bezeg işlerinde, mebel önümlerini, gurluşyk materiallaryny, mahabat, senetçiler we zergärler, tikinçilik we ilatyň sarp edýän harytlaryny öndürýän telekeçiler çykyş edýärler.

Bu giň möçberli çäräniň dowamynda geçirilen Birleşmäniň agzalarynyň maslahaty telekeçiligi häzirki döwrüň talaplaryna laýyklykda hemmetaraplaýyn ösdürmekde, bu ugurda gazanylan üstünlikleri dünýä ýaýmakda, toplanan tejribeleri durmuşa ornaşdyrmakda uly ähmiýete eýe bolar.

Türkmenistanyň Söwda-senagat edarasynyň

Metbugat gullugy.