TSSE Täzelikler

Türkmenistanyň söwda-senagat edarasynyň döwrebap sergi zalynda Saglygy goraýyş we derman senagaty işgärleriniň güni mynasybetli geçirilen  «Saglygy goraýyş, bilim we sport Berkarar döwletiň täze eýýamynyň Galkynyşy döwründe» atly halkara sergisi we ylmy maslahaty öz işini üstünlikli tamamlady.  Bu giň möçberli halkara sergisinde ýurdumyzyň saglyk we derman senagaty, ylym-bilim we sport ulgamlarynda gazanan üstünlikleri bilen türkmen we dünýä jemgyýetçiligi  giňden tanyşdyryldy. Halkara sergisiniň çäklerinde geçirilen ylmy maslahatda türkmenistanly we daşary ýurtly hyzmatdaşlar bu ulgamlarda ýeten sepgitleri boýunça birek-birek bilen tejribelerini paýlaşdylar.

Gatnaşyjylar bu serginiň ýokary derejede geçirilmegine giň mümkinçilikler döredip berendigi üçin hormatly Prezidentimiz Arkadagly Gahryman Serdarymyza hoşallyk sözlerini aýtdylar. Serginiň ahyrynda oňa gatnaşyjylara sertifikatlaryň gowşurylyş dabarasy boldy. 

«Saglygy goraýyş, bilim we sport Berkarar döwletiň täze eýýamynyň Galkynyşy döwründe» atly halkara sergisine we ylmy maslahatyna  gatnaşyjylar   Hormatly Prezidentimize Ýüzlenme kabul etdiler.

Türkmenistanyň Söwda-senagat edarasynyň

Metbugat gullugy