TSSE Täzelikler

2024-nji ýylyň 6-njy sentýabrynda Türkenistanyň Söwda-senagat edarasynyň başlygynyň   Eýran Yslam Respublikasynyň Türkmenistandaky adatdan daşary we doly ygtyýarly ilçisi Aly Mojtaba Ruzbehani bilen  duşuşygy boldy. Onda ikitaraplaýyn hyzmatdaşlygyň mümkinçilikleri ara alnyp maslahatlaşyldy.

Türkmenistanda maýa goýumlar, işewürlik, daşary söwda we ykdysady hyzmatdaşlyk boýunça döredilýän amatly şertler türkmen-eýran gatnaşyklaryny mundan beýläk-de işjeňleşdirmek üçin uly mümkinçilikleri açýar.

Duşuşygyň dowamynda taraplar Türkmenistanyň Hormatly Prezidentiniň alyp barýan parasatly içeri we daşary syýasaty netijesinde amala aşyrylýan  işleriň Türkmenistanyň ykdysadyýetiniň diwersifikasiýa ýoly bilen ösdürilmeginde möhüm ähmiýete eýe bolýandygyny nygtadylar.

Duşuşygyň ahyrynda oňa gatnaşyjylar birek-birege alyp barýan işlerinde uly üstünlikleri arzuw edip, iki goňşy ýurduň arasyndaky özara bähbitli söwda-ykdysady gatnaşyklaryň mundan beýläk-de ösdüriljekdigine ynam bildirdiler.

Türkmenistanyň Söwda-senagat edarasynyň

Metbugat gullugy.