TSSE Täzelikler

Şu gün ýurdumyzyň Söwda-senagat edarasynda Azyk önümçiliginiň döwrebap tehnologiýalarynyň «Agro-Pak Turkmenistan and Turkmen Food» atly halkara sergisi öz işine başlady.

Üç günläp dowam etjek halkara serginiň maksady oba hojalygynda ýurdumyzyň gazananlary, azyk önümçiliginde döwlet we hususy kärhanalaryň ýeten sepgitleri, täze önümleridir hyzmatlary, degişli ugurlarda halkara hyzmatdaşlygyny ösdürmekden ybaratdyr.  

 Sergide ýurdumyzyň we daşary ýurtlaryň kompaniýalarynyň we telekeçileriniň ýüzden gowragy öz diwarlyklaryny ýaýbaňlandyrýarlar. Gözden geçirilişe Russiýadan, Türkiýeden, Belarusdan, Özbegistandan kompaniýalar gatnaşýarlar. Daşary ýurtlaryň kompaniýalary dürli gaplaýjy maşynlaryny, iýmleri garyşdyrmak üçin gurallaryny, ekiji, ýygyjy, ideg ediji tehnikalaryny, ösümlik ýagyny öndürýän maşynlaryny, guradyjy ulgamlaryny tanyşdyrýarlar. 

«Agro-Pak Turkmenistan and Turkmen Food» atly halkara sergi oba hojalyk toplumynyň ösüşine gönükdirilen tehnologiýalardaky «nou-haular»  we meýilnamalaýyn işler bilen tanyşmaga ajaýyp mümkinçiligi döredýär.

Halkara serginiň birinji gününiň ikinji ýarymynda oňa gatnaşýan kompaniýalaryň täze tehnologiýalarynyň, enjamlarynyň we önümleriniň mahabat-tanyşdyryş çäreleri hem geçiriler.

Türkmenistanyň Söwda-senagat edarasynyň

Metbugat gullugy.