TSSE Täzelikler

Gahryman Arkadagymyzyň başlangyjy bilen ýurdumyzda döwrüň talaplaryna we möhüm wakalaryna bagyşlanyp, her ýyly döwrebap atlandyrmak ýörelgesi indi asylly däbe öwrüldi. 2023-nji ýylyň 29-njy dekabrynda hormatly Prezidentimiz Serdar Berdimuhamedowyň «Ruhyýet» köşgünde geçiren Ministrler Kabinetiniň giňişleýin mejlisinde  geljek ýylyň şygaryny we nyşanyny kesgitlemek boýunça ýerine ýetirilen işleriň netijelerine garaldy.

Döwlet Baştutanymyz milli parlamentiň ýolbaşçysynyň Türkmenistanyň Halk Maslahatynyň wekilleriniň, deputatlaryň we halkymyzyň geljek ýylyň şygary hem-de nyşany baradaky beýan eden teklibini makullap, 2024-nji ýylyň şygaryny «Pähim-paýhas ummany Magtymguly Pyragy» ýyly diýip yglan etdi.

          Munuň özi Türkmenistanyň Prezidentiniň kabul eden Kararyna laýyklykda,   Gündogaryň beýik akyldary we şahyry Magtymguly Pyragynyň doglan gününiň 300 ýyllygynyň dünýä derejesinde giňden belleniljek 2024-nji ýyla mahsus şygardyr.

Türkmenistanyň Söwda-senagat edarasynyň

  Metbugat gullugy.