TSSE Täzelikler

 “Garaşsyz, baky Bitarap Türkmenistan – bedew batly at-myradyň mekany” ýylynda Hormatly Prezidentimiziň baştutanlygynda ýurdumyzda halkara hyzmatdaşlygy ösdürmek boýunça giň gerimli işler alnyp barylýar.

2026-njy ýylyň 26-njy fewralynda Türkmenistanyň Söwda-senagat edarasynyň ýolbaşçysy Özbegistan Respublikasynyň Türkmenistandaky Adatdan daşary we Doly ygtyýarly ilçisi Rawşanbek Alimow bilen duşuşyk geçirdi.

Duşuşygyň dowamynda iki ýurduň arasynda söwda-ykdysady hyzmatdaşlygyň ileri tutulýan ugurlary ara alnyp maslahatlaşyldy. Taraplar özara haryt dolanyşygyny artdyrmak, maýa goýum işjeňligini giňeltmek, işewür toparlaryň arasynda gatnaşyklary işjeňleşdirmek, şeýle hem halkara forumlara we sergi-ýarmarkalara gatnaşmak meselelerine aýratyn üns berildi.

Bellenilişi ýaly, türkmen-özbek gatnaşyklary gadymdan gelýän dostluk, hoşniýetli goňşuçylyk we özara hormat ýörelgelerine esaslanýar. Duşuşyk özara bähbitli hyzmatdaşlygyň gerimini giňeltmäge gönükdirilen möhüm ädim bolup, iki ýurduň arasyndaky ykdysady gatnaşyklary has-da pugtalandyrmaga täze itergi berdi.

Türkmenistanyň Söwda-senagat edarasynyň

Metbugat gullugy.