TSSE Täzelikler

Türkmenistanyň Söwda-senagat edarasynyň sergi zalynda 3 günläp dowam eden Türkiýe Respublikasynyň eksport harytlarynyň sergisi üstünlikli tamamlandy. Ygtybarly hyzmatdaşlar bilen duşuşmak we täze şertnamalar baglaşmak üçin giň mümkinçilik döredilen bu halkara çäresi oňa gatnaşan kompaniýalara daşarky maýa goýumlary üçin açyk bolan türkmen bazarynda orun almaga mümkinçilik berdi.

Iki dostlukly döwletiň arasyndaky işewürlik gatnaşyklarynyň ýola goýulmagyna ýardam eden bu halkara sergisiniň çäklerinde özara bähbitli söwda-ykdysady hyzmatdaşlyga gyzyklanma bildirildi.  Mälim bolşy ýaly, işewürlik duşuşyklary ykdysady hyzmatdaşlygy ilerletmegiň netijeli guraly hökmünde özüni görkezdi. Munuň şeýledigine iki ýurduň arasynda yzygiderli artýan söwda dolanyşygynyň möçberi hem şaýatlyk edýär.

Türkiýe Respublikasynyň eksport harytlarynyň sergisiniň ahyrynda oňa işjeň gatnaşyjylara ýörite şahadatnamalaryň gowşurylyş dabarasy boldy. Dabaranyň ahyrynda oňa gatnaşyjylar hormatly Prezidentimize Ýüzlenme kabul etdiler.

Türkmenistanyň Söwda-senagat edarasynyň

Metbugat gullugy.