TSSE Täzelikler

27-nji dekabrda Türkmenistanyň Söwda-senagat edarasynyň uly mejlisler zalynda «Arkadag Serdarly bagtyýar ýaşlar ýylyny» üstünlikli jemlän türkmen ýaşlarynyň uly toparyny döwlet sylaglary bilen sylaglamak dabarasy boldy.        Belent maksatlary, yhlaslary hem-de erjellikleri netijesinde ata Watanymyzyň abraýynyň artmagyna, dünýä ýüzünde has-da şöhratlanmagyna öz zähmetleri bilen mynasyp goşant goşan ýaşlaryň  sylaglandyrylan bu dabarasyna Türkmenistanyň Mejlisiniň başlygy, Ministrler Kabinetiniň Başlygynyň Orunbasarlary, ministrlikleriň we pudaklaýyn dolandyryş edaralarynyň ýolbaşçylary, ýokary okuw mekdepleriniň rektorlary, köpçülikleýin habar beriş serişdeleriniň wekilleri, talyp ýaşlar hem-de ýurdumyzyň dürli pudaklarynda zähmet çekýän ýaş hünärmenler gatnaşdylar.

         Dabaranyň dowamynda milli ykdysadyýetimiziň dürli pudaklarynda işläp, tapawutlanan döwlet sylaglaryna hem-de Şa serpaýlaryna mynasyp bolan ýaşlar özlerine döredilýän giň mümkinçilikler üçin Gahryman Arkadagymyza, hormatly Prezidentimiz ─ Arkadagly Gahryman Serdarymyza tüýs ýürekden çykýan alkyşlaryny beýan etdiler.  

Türkmenistanyň Söwda-senagat edarasynyň

  Metbugat gullugy.