TSSE Täzelikler

Bu barada 2023-nji ýylyň 20-nji oktýabrynda hormatly Prezidentimiz Serdar Berdimuhamedowyň sanly ulgam arkaly geçiren Ministrler Kabinetiniň nobatdaky mejlisinde Ministrler Kabinetiniň Başlygynyň orunbasary B.Atdaýew «Türkmenistanda öndürilen» milli haryt nyşanyny döretmek boýunça görülýän çäreler barada beren hasabatynda belläp geçdi.

 «Türkmenistanyň 2021 ─ 2030-njy ýyllar üçin daşary söwda Strategiýasyna» laýyklykda, milli söwda nyşanly täze harytlary öndürmek hem-de olary dünýä bazarlarynda giňden tanatmak boýunça wezipeler göz öňünde tutuldy.

 Türkmenistan halkara jemgyýetçilikde «Türkmenistanda öndürilen» milli haryt nyşany bilen ýokary hilli harytlary öndürmek we hyzmatlary amala aşyrmak ulgamynda uly mümkinçiliklere eýe bolan döwlet hökmünde tanalýar. Bu bolsa ýurdumyzyň dünýä bazarynda abraýyny artdyrmaga, eksport mümkinçiliklerini giňeltmäge we maýa goýumlary çekmäge oňyn täsir edýär.  

Hormatly Prezidentimiz «Türkmenistanda öndürilen» milli haryt nyşanynyň şekili babatda teklipleri jemlemek we saýlap almak boýunça pudagara iş toparyny döretmek baradaky teklibi makullady hem-de ol işlenip taýýarlanylanda, halkymyzyň milli aýratynlyklarynyň, häzirki zaman marketing usullarynyň göz öňünde tutulmalydygyny aýdyp, birnäçe tabşyryklary berdi.

                                                                                                                                                                            Türkmenistanyň Söwda-senagat edarasynyň

Metbugat gullugy.