TSSE Täzelikler

 2023-nji ýylyň 25-nji oktýabrynda Türkmenistanyň Söwda senagat edarasynyň binasynda «Türkmenistanyň nebiti we gazy ─ 2023» atly XXVIII halkara maslahaty we halkara sergisi öz işine başlady.

 Türkmenistanyň Söwda-senagat edarasynyň, «Türkmennebit», «Türkmengaz»  döwlet konsernleriniň bilelikde guraýan bu giň möçberli çäräniň açylyş dabarasynda Türkmenistanyň Prezidenti Serdar Berdimuhamedowyň oňa gatnaşyjylara iberen çuňňur many-mazmunly Gutlagy okaldy.

«Türkmenistanyň nebiti we gazy ─ 2023» atly XXVIII halkara maslahatynyň we halkara sergisiniň açylyş dabarasyna Hökümet agzalary, pudaklaýyn dolandyryş edaralarynyň ýolbaşçylary, Türkmenistandaky diplomatik gulluklaryň we halkara guramalaryň ýolbaşçylary, nebitgaz ulgamynyň meşhur işewür düzümleriniň, maliýe institutlarynyň hünärmenleri, bu ulgamda işleýän kompaniýalaryň esasy bilermenleri, jemgyýetçilik guramalarynyň, köpçülikleýin habar beriş serişdeleriniň wekilleri, daşary ýurtly myhmanlar we beýlekiler gatnaşdylar.

 Energetika pudagynda halkara hyzmatdaşlygyny pugtalandyrmaga we ösdürmäge gönükdirilen bu ýöriteleşdirilen halkara gözden geçirilişde dünýäniň onlarça kompaniýalary öz diwarlyklaryny hödürleýär.

           Türkmenistanyň Söwda-senagat edarasynyň

Metbugat gullugy.