TSSE Täzelikler

 2023-nji ýylyň 25-27-nji oktýabrynda Türkmenistanyň Söwda senagat edarasynyň binasynda «Türkmenistanyň nebiti we gazy ─ 2023» atly halkara maslahaty we halkara sergisi geçiriler.

Bu giň möçberli çäräniň guramaçylary bolup Türkmenistanyň Söwda-senagat edarasy, «Türkmennebit», «Türkmengaz»  döwlet konsernleri çykyş edýär.  Bu halkara çäresine döwlet edaralary, milli kompaniýalar we hususyýetçiler, şeýle hem Azerbaýjan, Gazagystan, Türkiýe, Amerikanyň Birleşen Ştatlary, Russiýa Federasiýasy, Birleşen Arap Emirlikleri, Hytaý Halk Respublikasy, Ýaponiýa, Malaýziýa, Beýik Britaniýa, Italiýa, Kipr, Ispaniýa, Germaniýa, Şweýsariýa, Singapur ýaly döwletlerden daşary ýurt kompaniýalary gatnaşarlar.

Halkara sergisinde nebitgaz ýataklaryny özleşdirmek, geologiýa, geofizika we seýsmiki barlaglar, nebiti we gazy çykarmak, daşamak, gaýtadan işlemek, nebitgaz desgalaryny guramak babatda öňdebaryjy taslamalar, ulaglar we enjamlar, nebiti we gazy çykarmakda we gaýtadan işlemekde, himiýa senagatynda işleri awtomatlaşdyrmak, gözegçilik etmek, ölçemek boýunça sergi diwarlyklary gurnalar.

           Türkmenistanyň Söwda-senagat edarasynyň

Metbugat gullugy.