TSSE Täzelikler

      2026-njy ýylyň 27-nji iýunynda Türkiýe Respublikasynyň Stambul şäherinde Türkmenistanyň Söwda-senagat edarasynyň wekilleri bilen Türkiýäniň Söwda-senagat edaralarynyň we biržalarynyň birleşiginiň başlygynyň orunbasary Ali Kopuzyň arasynda duşuşyk geçirildi.

         Duşuşykda iki dostlukly döwletiň söwda-ykdysady gatnaşyklaryny has-da çuňlaşdyrmak, telekeçilik gurşawyny ösdürmek we işewür toparlaryň özara hyzmatdaşlygyny giňeltmek bilen bagly möhüm meseleler ara alnyp maslahatlaşyldy.

         Aýratyn-da, Türkmenistanyň telekeçileriniň öndürýän önümlerini we maýa goýum mümkinçiliklerini Türkiýäniň dürli welaýatlarynda tanyşdyrmak maksady bilen işewürlik saparlaryny guramak, iki ýurduň çäginde geçirilýän halkara forumlara, sergilere we B2B duşuşyklaryna özara işjeň gatnaşmagy üpjün etmek ugrunda anyk başlangyçlara garaldy.

         Duşuşygyň netijeleri türkmen-türk işewür gatnaşyklaryny täze derejä çykarmaga, özara söwda dolanyşygyny artdyrmaga hem-de iki ýurduň telekeçileri üçin täze hyzmatdaşlyk mümkinçiliklerini döretmäge gönükdirilen möhüm ädim hökmünde baha berildi.

Türkmenistanyň Söwda-senagat edarasynyň

Metbugat gullugy.