TSSE Täzelikler

2023-nji ýylyň 2-nji noýabrynda Türkmenistanyň Söwda-senagat edarasynyň kiçi mejlisler zalynda «Merkezi Aziýa ─ Koreýa Respublikasynyň» 16-njy hyzmatdaşlyk forumynyň çäklerinde «Merkezi Aziýa ─ Koreýa Respublikasynyň»   işewürler geňeşiniň 4-nji mejlisi geçirildi. Bu foruma «Merkezi Aziýa ─ Koreýa Respublikasynyň» sekretariýatynyň ýerine ýetiriji direktory Ri Jon Kuk, Koreýanyň Halkara Söwda assosiasiýasynyň başlygy Ku Ça Ýol we Koreý kompaniýalarynyň wekilleri, türkmen tarapyndan Türkmenistanyň Söwda-senagat edarasynyň başlygy Mergen Gurdow hem-de ministrlikleriň we pudak edaralaryň, hususy telekeçileriň wekilleri, şeýle hem Özbegistan Respublikasynyň Söwda-senagat edarasynyň başlygynyň orunbasary Jamşit Urakow, Gazagystan Respublikasynyň «Atameken» milli telekeçiler palatasynyň başlygynyň orunbasary Amrin Murat dagy gatnaşdylar.

Täjigistan Respublikasynyň Söwda-senagat edarasynyň başlygynyň birinji orunbasary Nasimžan Anwarow, Gyrgyz Respublikasynyň Söwda-senagat edarasynyň wise-prezidenti Elmira Bataýewa bolsa bu maslahata onlaýn görnüşinde gatnaşdy.

«Merkezi Aziýa ─ Koreýa Respublikasynyň» işewürler geňeşiniň 4-nji mejlisinde taraplar sebitiň ýurtlarynyň arasynda hyzmatdaşlygy giňeltmegiň we pugtalandyrmagyň geljekki mümkinçiliklerini ara alyp maslahatlaşdylar.

Türkmenistanyň Söwda-senagat edarasynyň

  Metbugat gullugy.